TONO
Ovə vedrə dasədə be,
Tınım vinde çoli tono.
Erəxem az bəştı dimi,
Xolış vinde xoli tono.
Dəşəbiş bə kinon arə,
Jedəbiş hey çəkkə-sırə,
Çok-çokinə ıştə vırə,
Karde çımı dıli tono.
Çə rujnəku han-hıtım şə,
Xıdo zındə çiçım kəşə,
Bəmı qıley otəşe jə,
Haştə mıni zili tono.
Tanqı karde məydon bəmı,
In yolə kə, əyvon bəmı,
Ve dəkudə şəyton bəmı,
Buşom ıştı yoli tono.
Səçon
Tolışə poeziya antoloqiya (2021), 203. ISBN 978-9952-28-569-7.