ƏMƏ TOLIŞONİMON

Həğiğət bıə vırədə Zu əbıni zərədə. Çətinədə, darədə Ğıyrət bıkəşonimon, Əmə tolışonimon. Şımşi bijən, ox bıjən, Bə deşmeni doğ bıən, Bənə avuə çəx bıjən Babəki kəşonimon, Əmə tolışonimon. Zındəmon xəyri, şəri, Hiçki bəmə nısıri. Şairə Zulfuqari Şeirəti şonimon, Əmə tolışonimon. Vey bərk bedə sığə band, Kam bəbe əçəy bığand, Qullə vədə şık bımand Həzi nom-nışoniumon, Əmə tolışonimon. İlhom, çanə hestimon, De har xəlği dustimon, Iştə roədə rostimon, Bədə ro əşınimon, Əmə tolışonimon.