MEŞƏBƏQİ

Toğə məbır, do çımıne, Çəğın məşi, ro çımıne, Aspi izmə bo çımıne, Bəmə votdə meşəbəqi. Həmato de bə Hafthoni, Vıjəkero de bə Coni, Puli səydə de milyoni, Cife potdə meşəbəqi. Do bıredə sulə kardə, Ancedə əy pulə kardə, Sutdə mıni, kulə kardə, Opotedə meşəbəqi. Anqivini tule votdə, Bəlelə doy kule votdə, Səlom doydəm, pule votdə, Bənqe dutdə meşəbəqi. Nə həkime, nə ferşile, Əvən çı vişə ğatile, Mudri tono əv tifile, Hardə, hıtdə meşəbəqi. Şəxtə boto, va boto, Penco boto, a boto, Kanədevran ha boto, Həvatedə meşəbəqi.