SIFTƏNƏ MƏHƏBBƏT

(70 sinnədə nıvışdə bə) Bənə qulmexi nıştə bə dıli, Sıftənə məhəbbət yodo beşdəni, Sa sor umur bıkoş əqəm dınyoədə, Co məhəbbət əyo dəşe haştəni. Sıftənə məhəbbət umri əvəsor, Poke əv, reçine bənə sıə vıli. Nıbu ğısmət bətı, bızın, ha boli, Bəka şıkəst tıni, bədojne dıli. Əvəsor! Qardışdəy, omedə- şedə, Savdı oqardəni bə dıli nıştə! Dəvardə vey soron, ğərinon, manqon. Mıni ohaşdəni, əv mıni kıştə! Isət piəjene, bə inə. nənə, Çəşon ə çəşon ni, kinən ə kinə! Vindıme, yavə bim, cəşonım be ku, “ Ço nıvitvone mı, ço mını, nunku? Mı bəştı qoronə bı ruji mandim, Dıldəm bənə mışki tı bəş, əncəx tı! Zındəm cəfo kəşə tınən, ha Şahan, Sadiqbəm, sadiqim, ısətən bətı!