ZƏHMƏT BIBU

Qıləy boğçə- boğım kaştə, Çəy ətrofo vişəm haştə. İmruj hestim, nıbum maştə, Bıdə bomı zəhmət bıbu. İyo heste ambu, tıtım, Çımı yolon kardə qətım. Bıçın bəhə, bıdə bətım Imən qıləy hurmət bıbu. İyo çandə odəm omə, Haco kəşdən çıvrəy nomə. Orzum bənə ımvrə bəmə, Qıləy yolə şohrət bıbu. Donzə soron lum ekardə, Kıl-kımot bə vəyşt oqardə. Çı dınyoku ki çiç bardə? Saqlə dəvə, sərvət bıbu. Çəy toniku ru davardə, De ATV iyo vardə. Bəyji bəbe i ruj mardə, Çı Xıdoku ğudrət bıbu. Diə kardedəm az bə boği, Tov hardəme bə vey doği. Çandə çımı ın con səğe, Əpinime ğıybət bıbu. Tolışi di xosə Mədo, Bahandoş “Tolışon sədo” Çiçı bıpyo Xıdo bədo, De nımoji sohbət bıbu.