IN KİNƏ ÇI HƏVƏSDE

Moxlonoş vılə butə, Vindəme dılım sutə. Çəşon surmə dəsudə- In kinə çı həvəsde? Olətış vey, to kardə, Ha ruj qıle takardə... Anqışdiş çəş bekardə- In kinə çı həvəsde? Imış çiç doəşe xıdo, Bəmarde dardi nıdo. Bovot çı kinə dodo- In kinə çı həvəsde? Sipiə olətış tandə, Bənə bılbıli handə. Ki vində mətəl mandə- «In kinə çı həvəsde?» DIrozə moxlə, sio çəşe, Eşğışən bə dıl dəşe İlkin bəsə dənışe- In kinə çı həvəsde?