HİÇ ÇI YODO BEBƏŞE

Çımı cone Bolədi, Qəşənqə di, yolə di. Təmizə di, vılə di, Hiç çı yodo bebəşe?! Piyəjenon, sıprişon, Həm pərtin, həmən ki şon... Kıvin ə tukon, vişon? Hiç çı yodo bebəşe?! Tanqə cuyon ru bin, şin, Kırtə riyon ro bin, şin. Qədə toğon do bin, şin... Hiç çı yodo bebəşe?! Hestbe har doji dəvo... Bəs kıve Kişvər, Həvo? Nusi mamu ə ləvo? Hiç çı yodo bebəşe?! Yoddə bəmandeş, əqər Yodo benıkoş, Şəkər. İnsoni umur məqər Hiç çı yodo bebəşe?!