Şəkər Aslan

LANKON

Tojə şəhər, kanə şəhər, Tı dəqiş bəş çanə, şəhər?! Çı ğəşənqin vılə boğon, Bılındə doon, qədə toğon. Ah, çı xosə, xoşə həvo: Dardi dəvo, doji dəvo... Avlodonı zəhmətkəşin – Iştı dılin, ıştı kəşin! Zındəm çiçe ıştı sinə - Xəzinəye əv, xəzinə! Moyı heste, mıvı heste, Ambur, uləs, kıvı heste... Ətrinə çay nişe əvəz, Sofə həvo, sofə nəfəs... Tı Loğmoniş lap çı lanqon!.. Çəmə Lankon, çəmə Lankon!

Səçon

Tolışə poeziya antoloqiya (2021), 48–49. ISBN 978-9952-28-569-7.