MƏZIN

Boğım sutə, bılbılım ni, vılım ni. Bo piyero həvəsım ni, dılım ni. Isə çımı noz peqətə holım ni. Həni mıni əğıl məzın, ruk məzın, Mıni bevəc, boy, ıştəni çok məzın. Vaxt omedə şatə konən soz bedə Umur şedə, peşt siyedə kuz bedə. Çı har kəsi umri oxoy poz bedə. Çımı dıli siyo məzın, toyk məzın, Mıni bevəc, boy, ıştəni çok məzın. Çiçımon kay, nıbe çəmə dim sipi, Nılınqiyəy, vaxt dəvarde dıl be pi. Çəmə eşği kəybon edoy qəp-qəpi, Çı insonon həməy dıli pok məzın, Mıni bevəc, boy, ıştəni çok məzın. Iştə dılo bıbır, cokə ım eşği. Zəmin bıkand, bə mu bıkə ım eşği. Çanə di ni yodo bekə ım eşği, Okışt, əçəy vəşə vıron, zik məzın, Mıni bevəc, boy, ıştəni çok məzın.