MINİ POŞ MƏKƏ....
Annə mıni poş məkə,
Bə otəşi tovom ni.
Moyon rosbən ovi dimi,
Kəşım hese, domom ni.
Bo tıni vinde qoroş,
Həni bə kovroon bışum.
Har to bə siyo jıdə,
Nə həşiye, nə ovşum.
Çımı ın purə dılım,
Bənə dıyo ləpə jıdəm,
Dardon bənə leğəştəni,
Maxlə-maxlə rışdedəm.
Səmayə qınoş çiçbe?
Əvı cöylü oqəte.
Çəşdəş heççi çidəni,
Nə vıl, zizə, nə qıte.
Səçon
Tolışə poeziya antoloqiya (2021), 228–229. ISBN 978-9952-28-569-7.