BƏTI ÇİÇBE, YA HUSEYİN

Peygənbəri ranginə vıl, Betı mandəni cımı dıl, Həni ov omdə şırhaşır Bətı çiçbe, Ya Huseyin? Tı həşibij çı islomi, Duz votdebij har kəlomi, Qep votdebij Xıdo nomi, Bətı çiçbe, Ya Huseyin? Az sutedəm, az vəşedəm, Amon saru zəmin nıştəm, Kamon zındən çiç kəşedəm, Bətı çiçbe, Ya Huseyin? Duzə roysə kıştjone tı, Ğıbon bəbem bəştı ro mı, Əf nıkardo yolə Xıdo, Bətı çiçbe, Ya Huseyin? Rustəmən ıştı zonədəy, Dılıj dıtı jəydə əçəy, Votə hejo «Ey xununə şəy! Bətı çiçbe, Ya Huseyin?»