QƏDƏ-QƏDƏ VA VOEDƏ

Emedə çı livəsə, Emedə çı toğəsə, Har tərəfış sipi ka, Uje çı osmoni sə. Qədə-qədə va voedə. Hırdənon hənək kardən, Fırsidən çı buzisə. Haydi, kenə beşənən, Mənışdən i rizisə. Qədə-qədə va voedə. Çan vaxte çəş kardəmon, Zəmini xoki hardəmon. İqlə kərə va bıvoyo, Çımı orzi bardəmon. Qədə-qədə va voedə. Həvo diyənonış eka, Həşyəe rujonən se be. Təbiəti ğanune, Zımsonədə va bəbe. Qədə-qədə va voedə. Peşandə baney bırzi, Mandəbimon tamarzi, Şəxtə bobo bo beşo, Ime har kəsi orzu. Qədə-qədə va voedə. Emedə çı livəsə, Emedə çı toğəsə, Har tərəfış sipi ka, Oje çı osmoni sə. Qədə-qədə va voedə.