BOY BIŞAMON BƏ ÇƏMƏ KƏ
Çı xosə çaş, çokə bəve,
Çı çokə ruj, pokə şəve,
Çımı votəy bətı əve:
In dıli ve xərob məkə,
Boy bışamon bə çəmə kə.
Tı Ovşumiş, az astovə,
Tı otəşiş, azən tovə.
Kardedəm az bətı lovə,
Vəse tı ın nozi səkə,
Boy bışamon bə çəmə kə.
Ha dimədə xolnə kinə,
Mı bətınım vote zinə:
Çaş kardedə tıni inə.
Dərostəşe tənəbi, kə:
Boy bışamon bə çəmə kə.
Tı sıə vıliş, zizən rəsə,
In bılbıli çakə bə sə.
Imşanqo ne, maştəvəsə
Olətonı qırdı-kukə,
Boy bışamon bə çəmə kə.
Oxo ıştən doəbe vədə,
Dılım anə tıp-tıpədə.
Rə-rə məşi, qədə-qədə,
Rost məkə hay- kuy, mərəkə.
Boy bışamon bə çəmə kə.
Səçon
Tolışə poeziya antoloqiya (2021), 115–116. ISBN 978-9952-28-569-7.