GƏZƏLON

Damandəm az bıvotım ki çı ranqin ıştı çəşon, Imım votem zınə vey-vey ğəşənqin ıştı çəşon. Bı canqədən qıləy az rığ-rığim çı səyku bə po, Çı vey kəson oxo kardən,bə canqin ıştı çəşon. Tı ha bıvot «bışi» çokney bışum mı,qərqij bəm , Mı vindedəm,mıni cokney bəvanqin ıştı çəşon. Çəşon esındınımən,con esındınem zınəni, Bı dıjdi dınyo bomış kardə tanqin,ıştı çəşon. Beşim bə ro ,bətı royrosti roysə az peqınim Dəqijne ıştə şə ro , dey eçanqin ıştı çəşon. Dim ıştı qırdəvə Ovşum, çı manqi çordəşəvəş? Bəhıtvonen Həşi, Ovşumi zanqin ıştı çəşon. Pidəmni bəştə oqardım,bəşəv dı hani edon, Bıkən mıni niyo ıştəndə, ya qin ıştı çəşon. Bıporsiş ıştə çəşonku,əvon ki ros bəvoten, Bə Xilqəti boçi votdənbu «danqin ıştı çəşon.