MƏQARD

Mor ha takə ranqinə lu, Tıkındə, romdə ıştə bu, Nohəx bışo lap bənə ru, Həx cu bıbo, çəyku məqard. Zolım təturə bızanqe, Çəy sənəte tiyə ğande, Nohəx dı həxi bə canqe, Mətars, bə peşo oməqard. Tı hağ məbi bənə neçi, Məhə kələ, məhə ğuçi, Bə yod biyə tələ ğıçi, Hardəyı bəbe xunizard. Məvot zolım jıqoy bəşe, Məzlumonən ço bəvəşe, Iştı roysə bır bebəşe, Nuni mahast, tı dəməvard. Oğo bıbi, tı fik bıdə, Vaxt pəredə, umır şedə, Bə nomerdi boy sırr mədə, Bidar votdə, çəyku bıqard.