BƏZINE

Votdəşon ki, əmə tolışonimon, Həməysə çok, lap çı yəndı conimon, Hələ votdəş, çı kandulə şonimon, Əncəx ıştı əğıl zıvon zındəni, Yurdədə hiç yurdən əv, eğandəni, Yolən bəbe, ıştə əsli nibəzne, Az zındənim, tı zındəniş, ki bəzne?! Dərəsdəmon, yurdən tanqe, koən ni, Millət həmə bənəy boə, coən ni, Bı yurdədə zıvon zınə zoən ni? Bəştə əğli adəti tı votdəniş, Çı pə-moə zıvoni omutdəniş, Jıqo bıkoş, əv tolışi nibəzne, Tı zındəniş, az zındənim, ki bəzne?! Az bərizom, millət zıvon ve bıznı, İnqilisi, farsi, tırki, co bıznı. Millətçi ne, co milləton bo bıznı, Məmləkəti har vırədə ko bıkə, Say ve bıkə, ın milləti şo bıkə, Tı nıvotoş, əv hiç nəsli nibəzne, Tı zındəniş, az zındənim, ki bəzne?! Azərboycon məmləkəte, yurdmon i, Şoy-voymon i, xıfətmon i, dardmon i, Çı hukməti zıvonmon i, xunmon i, Ki votdə ki, bə tolışi qəp məjən, Mahne məvot, şoy-şoy məkə, dəp məjən, Az bıvotım, tı bıvotış, ve bəznen, Az votdənim, tı votdəniş, ki bəzne?!