TI VİNDƏ ÇƏMƏ BANDON

Ve bılınde kuye ku, Niməy luye, niməy ru, Votdən bəvrəy bandi zu, Hejo jıqo bımandon? Har fəsili ıştə ranq, Bılbıl vıli kardə vanq, Qemıj de hıri bə canq, Avon voşi dərandon, Tı vində çəmə bandon? Hejo sape beşedəş, Tı ha şedəj, ve şedəj, Bə ovşumi nez bedəş, Roonı nımədə nımandon, Tı vində çəmə bandon? Pe kəvşəne, ji vişə, Kuln bənə vənəşə, Xıdoye ğələm kəşə, Tı vinde çəmə bandon? In yan, ə yan heste ro, BəYardımli, Ostoro, Bə Lik penco verste ro, Jiyo mandedə Lankon, Tı vində çəmə bandon? Çəmə bandon, çəmə con, Əmənən tolışimon, Zıvon, tolışi zıvon, Tolışə kinon bahandon, Tı vində çəmə bandon? Tı vində çəmə bandon?