KUÇIŞ BA

Ha dəkırın çəy siyo əbo dumənə, Iskəndəri-Zulqərneyni çiçış ba? Əvən curi əjdəhoye-qəvış oj, Hırsış eba, pələnqış ha, neçiş ba! Nə dəvləti tamə bəka, nə puli, İ qəz kəfən çəmə paye, ha boli! Dəqətoşən lınqo bə sə ğızıli, Luçış vardə, beyno ijən luçiş ba! Həmə dıli çəysə aspi tojnedə, Çəmə xuni sinəku petojnedə. İxtor çəye, qılə-qılə vıjnedə, İbrahimış esındıniy, kuçış ba!