DARDIM VEYE

Dardi bo ki bıvotəmom, Ənə iyo-vəy vitəmon?! Həni nımoj bıvotəmon, Koməq bəbe bəmə Xıdo. Boştə səvob ve bıkəmon, Har kəsiro və okəmon, Qıno həni hiç nıkəmon, Hejo bəbe dəmə Xıdo. Sin dəvardə, kame mandə, Dardon çımı dılşon kandə, Rozı bənim, mınşon zandə, Voten, doydə çəmə Xıdo. Dınyoədə kiye mandə, Boli rə şə, inə mandə? Pə piyəşe, moə zandə, Heste çəmə həmmə Xıdo. Haci, oməyş tı bı dınyo, Çiçış kardə ənə iyo? Iştı vırə ənəy piyo, Jəşe botı ləmə Xıdo.