ŞİNƏ BO

Çoko izhor bıkəm, bə zıvon biyəm? Demı bə ğəb bəşe ın dard, şinə bo. Çanə rənc bıkəşım, tov-təvon biyəm? Çı doroz bəkəşe ın dard, şinə bo. Iştı moəobəruj zinə dəvarde, Əmo şonzə sore kəmon xo karde. Mıni kəynə bardəş, yodo bekarde? Peqətə arədə ə pard, şinə bo. Çand sore colinəm, dərejə imon, Çı pı-moə dı çəş, ğeyrətinə son. Conım bətı ğıbon, çımı coni con. Tı şiş ğəm zumandbe, ranq zard, şinə bo. In kə, ın so betı qıybəkule, boy, Nom kəşeku zıvonım bılule, boy, Oxnə daste, oxnə dovnə, kule, boy, Çəşbə roon şokə, oqard, şinə bo.