Əsab Cəbiyev

ƏVƏSOR

Boy, boy, xosə əvəsor, Bıqət mıni bə və, sor. Pərısqılon oqardon, Bə lonə sə bıqardon, Bışun çı dıli dardon. Boy, boy, xosə əvəsor, Bıqət mıni bə və, sor. Kijon didərqin bıbun, Vıl-vənəşon qin bıbun, Xol-xıçon qəmqin bıbun. Boy, boy, xosə əvəsor, Bıqət mıni bə və, sor. Huşə bə dıve beşu, Çı lonəsə ve beşu, Dast bə huşə pepuşu. Boy, boy, xosə əvəsor, Bıqət mıni bə və, sor.

Səçon

Tolışə poeziya antoloqiya (2021), 32–33. ISBN 978-9952-28-569-7.