ZINDƏNİM, ZINDƏNİM...
Rə co bimon boçi əmə?
Oxo dılmon ibe çəmə!
Çəşon botı ha şəv bəmə,
Hıte zındənim, zındənim...
Tınım piyəy de həvəsi,
Detı səydəbim nəfəsi,
Koncoş ısə, ıştı dasti
Qəte zındənim, zındənim...
Tınım zınəy bəştə həmro,
Ğıbon əbim bə omə roy.
Rujon betı şedə umro,
Vote zındənim, zındənim...
Elmasim az, yarəm xəve,
Betı rujon bomı şəve.
Arşie dılım tıku, təve,
Dute zındənim, zındənim...
Səçon
Tolışə poeziya antoloqiya (2021), 210. ISBN 978-9952-28-569-7.