YAD ƏKƏNİM

Votem, beşum az bə Dovlə, Qəcı nezbe, vote, sovlə, Koncobiri tobin hesə, Boçi tı de dəşər bəsə?.. Çımı ronış pebırnişe, Fikrı çımı dıl tırnişe. Səm evəjəy, çaşım purbe, Rom nıvinde bomı hır be. Tanə-tehmət jəy əy bəmı, Lap vəbəvə oməy səmı. Vote, kıve çı diy məxluf? Dəjənəme bə qəvi sulf. Diron oqət tamə qorə, Şımə bədən bəka korə. Si sore ki çığın beşər, Hesə pibər bəsə dəşər. Lovəm karde bədəy əğli, Məvindək nim, vote, nəğli, Votem, bəşmə az bəm şıkrə, Vote, boştə oqət ağli. Ənə kijon be nıznəymon, Bor dardi ni hiçi damon. Hesə besoyb mandə somon, Eqətə kul-kımot po-bon. Ələkbərim, az bəşərim, Çənə hestim dard kəşərim. Çı umuro çəndə şənim, Az ıştəni yad əkənim.