MISİBƏT BƏVƏDƏYE

Ki mısi ləl kardedə, Iştə koy səl kardedə, Har koy pul həll kardedə, Məhəbbət qəvədəye, Musibət bəvədəye... Ve ko məkə, pust məbi, İvan məbi, rus məbi, De şəytoni dust məbi, Erməniən çəvədəye, Musibət bəvədəye... Con tarsedə coniku, Yolə dardi qoniku, Şatə ko insoniku, Şatə peşt dəvədəye, Musibət bəvədəye... Nənə qandım bıştedə, Otəşi ekışdedə. Ğəhər pı-moə kıştedə, Zoə ıştə kefədəye, Musibət bəvədəye... Iştə nomi bəd məkə, Co curə sehbət məkə, Məlo norohət məkə, Əv cımə şəvədəye, Musibət bəvədəye... Bibi şin, xalə şine, Dışmeni nalə şine. Çı balə balə şine, Nənə con nəvədəye, Musibət bəvədəye... Qəpi bıjən təmomə, Bənə pozə şəmomə. Ruk bə yoli dim omə, Ruk yolə səhvədəye, Musibət bəvədəye... Bəndə ruzi votedə, Si bə luzi votedə. Əkbər duzi votedə, Həxi tərəfədəye, Mısibət bəvədəye...