İLAHİ, IM DINYO BƏ KOVRƏ ŞEDƏ

Ilahi, ın dınyo bə kovrə şedə, Şıkırne-şıkırne bardə əməni? Şəytoni anqıştə heste bı koədə, Ixtiyor çəmə ni, ğədər çəmə ni. Zinə dızdon ımruj ziyarətədən, Xunxaron quya ki ibadətədən. Zəmini ji-peyo ticarətədən, Melı dıləntono hardə əməni! Denməz, tı dard məkə, çiçı bəmande? Çiç heste ki, hələm bo çi bəmande? In faniyə dınyo bo ki bəmande? Oxoydə bə zinhor vardə əməni.