BOMI QILƏY NƏĞIL BIVOT

Bomı qıləy nəğıl bıvot: Əyo neçi pəsi nəhə. Lus çı xəlqi kaqı-kijə, Şir nıqəto lusi, nəhə. Bomı qıləy nəğıl bıvot: Divi con şişədə nıbo. Bə məroli tiy nıqıno, Insonən vişədə nıbo. Bomı qıləy nəğıl bıvot: Kərəm nısuto otəşdə. Çı Əsli xo qıno çiçe? Eşği roədə əzob kəşdə. Bomı qıləy nəğıl bıvot: Leyli çı Məcnuni bıbu. Fərhod pəydokə Şirini, Boçi şinə coni bıbu?