LƏİN

Hardə çıyo, hardə çəyo, Rışvə doydə, rışvə səyo. Iştə nəsli ve kardeyo, Dıqlə-dıqlə zandə ləin. Detı baha, detı bədo, Hele bıkoş, nədo sədo. Dədəş ğədo, boboş ğədo, Bə şəytoni mandə ləin. Səy rost kardəş səysə jəydə, Bənəy mori ağu bedə. Mısılmoni qədə-qədə, Lınqi bıni kandə ləin. Ha odəmon i bıbəmon! İ be çəmə dardi dəmon, Bə çəmə nav zəmon-zəmon, Nızno şodoy kındə, ləin. Cavanşiri sıxan roste, Dışmeni bəd, dusti duste. El-obəmon mərde, xose, Çəmə zuy çok zındə, ləin.