BƏŞTƏ TOLIŞ BOVOT

Çı Babəki nırə tıniş , Amburə don burə tıniş. Çəxməx tıniş,qurrə tıniş , Bəştə tolış bovot, Tolış! Iştı vişon vəşi qətən, Honiyə çəşmon təşi qətən , Boşto sədo pəşi qətən , Bəştə tolış bovot,Tolış! Barzbılındiş Barzəvuədə, Zəviləruədə, Vazəruədə. Havtdınyoədə, Havzəvuədə, Bəştə tolış bovot, Tolış! Çəmə xosə Bolədiədə , Yolon beşə yolə diədə. Vılə diədə, dılə diədə Bəştə Tolış bovot, Tolış ! Iştı dıyo ka sipi bə, Asvonı çı ka səpe bə. Əv həzər ney, əv Kasbi bə, Bəştə tolış bovot,Tolış! Ğıbon bəşem az bı dıyo, As ru bedə , as bı dıyo. Ləyləy jedə Kasbi dıyo; Bəştə tolış bovot,Tolış! Be tı dınyo pok əbıni, Joğo tumcor, tuk əbıni . Peğət bə das tikəmoni , Bəştə tolış bovot ,Tolış! Vəse,bəştə diə nıkarde, Bəşəv -bəruj diən ekarde. Vəse , ıştə dılı harde, Bəştə tolış bovot ,Tolış!