VAXTIME

Lonəşonvılobə kijon bəmedən, Bə çaş toyki eşə, mijon bəmedən. Soron əvorə bən, rujon bəmedən, Dedardi umri səy randə vaxtıme. Peştıj ki arışte çı Boboki roon? Ənə jiədə zəmni bəmedən nıron. Zəmona tarsiku larzedən qıron, Dasti çi ovi kay ğandə vaxtıme. In sədo hiç bəçmı sədo oşdəni, Ğıryəti təvə kıl, dardi toştəni. Bot, çoknə vanq bıkəm Zərduşti həni, “Əv heste” sıxani ğandə vaxtıme. Fələki nırə jəy umiyonim rəməy, Mandim dardi jiədə qıronım nəməy. Bəmı qınyə doğon de sığən bəməy, Iştən ıştə ğəvi kandə vaxtıme. Çaşonjon ku karde kı xosə honi, Zəmonə boçəmə umri bə voni. Isə va-voş voydə bəçmi zıvoni, Xəcolət jiədə mandə vaxtıme.