BƏ XIDO ŞİKOYƏT

Bı dınyodə ədolətım vindəmni, Şınə Xıdo, ışdı qıno, taxsi ni. Nolo jedən bə şəv, bə ruj kosibon. Şinə Xıdo, ışdı xəbə ğasbi ni! Bekoəti ğırış kardə milləti, Bə ko şedən de rışvəti, mınnəti. Doydən bəmə çana əzob, zilləti, Şinə Xıdo, ışdı xəbə ğasbi ni! Merd omeydə, kədə harde ruzi ni, Heç kəsi ko pul ğarz karde əzıni. Merd jeniku, jen merdiku rozi ni, Şinə Xıdo, ışdı xəbə ğasbi ni! Nat bekardən de milyardi havatdən, Villa dütdən, havzə vişon pevatdən. In sərvəton çe xəlxe ni,məvotbən, Şinə Xıdo, ışdı xəbə ğasbi ni! Umi mandə bə paybəlli zəmini, Bo nun pate i vərdənə həmi ni. Nə kəl hıste,nə bo kəli sımə ni, Şinə Xıdo, ışdı xəbə ğasbi ni! Dıyo kəno, lap vişədə nəvedəş, Çimənədə həvo sedəş, təvedəş. Bəy həx nodən,həxi sedən, bəmedəş, Şinə Xıdo, ışdı xəbə ğasbi ni! Çəmə balon perəsedən, çiç bakan? Ali məktəb oroxnedən, çiç bakan? Rışvəku con beroxnedən? Çiç bakan? Şinə Xıdo, ışdı xəbə ğasbi ni!