TOLIŞİ BILBIL

Bılbıl handə, pevandə, Boğçə vılon təvedən. Çı həyoku larzedən, Vılon sutdən, bəmedən. Bılbıl, məkə aləmi Tı xəbərdor zolimi. Azən bətı aşiğim, Ve vəfoli məşuğim. Bınışd çımı xıçədə, Teğım bətı eşini. Soxən bıvıt, qəp bıjən, Çımı yodde beşini. Həsrətim bəştı sədo, Çımı dıli şo bıkə. Dıştə tata nəfəsi, Çımı coni sı bıkə. Soxən bədom bə bıli Ğeymət dodə bə vıli. Əhdi-peyman bakardem, Tı bədoş, ışdə dıli? Işdı zıvon ve şine, Tı Tolışi bılbıliş. Dınyo bətı heyrone, Çı ğıryəti simvoliş.