Bəpe aşiğ bıkəşi ğəm zınero eşği təmi…
Bəpe aşiğ bıkəşi ğəm zınero eşği təmi,
Nıkəşo dard əzıni şıştedə ars eşği ğəmi.
Hərəbaxt əv bəbe ki vindəşe eşği şinəti,
Əkəni hiç dılı şoy-voy nıçəşoş eşği cami,
Çəmə dınyo bedə ruşin çanə ki, qardə həşi,
Pidəbu dıldə bıbo nur, bıvoşın eşği şəmi.
Məkə fik ki, çı dıyo heste qıləy sıftə oxoy,
Bətaseş dıldə nınovnoş tı əğəm eşqi qəmi.
Pidəbu ıştı əğəm dıl bırəso bəştə piyəy,
Bıkə obod dıli kəy, çok bıdə varz eşği həmi.
Əve, Aqşin, mədə umri bə hədər barz əbıniş,
Çanə Məcnun tı nıboş çok nızınoş eşği çəmi.
Səçon
Tolışə poeziya antoloqiya (2021), 389–390. ISBN 978-9952-28-569-7.