Talıbi Şahan Sasani

Şahan Talıbi zoə Zeynalov (Sasani) 1939-nə sori iyunə manqi 7-ədə Lankoni Moğonojobə diyədə bə dınyo omə. 1957-nə sorədə Lankoni rəyoni Şuruk di miyonnə məktəb, peşo Boku Sabunçi qəsəbə 8 numrəynə peşə məktəb orıxıniyəşe. Azərboycon İncəsənəti İnstituti “Mədəni maarif” fakultədə handəşe. 1977-1979-nə soronədə Jurnalistikə Sənətkoəti Universiteti jurnalistikə şebonədə mudavim bıə. Talıbi Şahani 30 sor “Azərboyconfilm” kinostudiyədə direktori muavin, idarə rəisi i.c. vəzifonədə ko kardəşe. Oxonnə 20 sorədə Az.TV-ədə, Respublikə radio-televiziyə şirkəti “Tolışi zıvoni doymoni” redaksiyə yolə pedaktor bıə. “Təmədə-ğızılə odəm”(1999), “Vicdanını göstər”, “Özunəməxsus”, “Əlimədəd” (2011), “Boyatiyon” (2011), “Nəğılon” (2011) nomədə 6 qılə kitobi muəllife.

Bioqrafiyə məlumoton 2021-nə sori kitobiku sə bən.