Şəkər Aslan

Şair, dramaturq, jurnalist, Azərboyconi Ənıvışton İcoəti uzv (1968), “Qızıl Qələm” mukəfati laureat (1978) Şəkər Aslan Mirzə zoə 10.10.1937-nə sorədə Lankon rəyoni Boladi diyədə bə dınyo omə. Rusiyədə Maksim Qorki nomədə Moskva Ədəbiyot İnstituti poeziya fakultə (1969) orıxıniyəşe. Bəştə ədəbi fəoliyyəti 1953-nə sorədə çapbə “Sosiolist respublika” Lankon rəyoni qəzetədə beşə “Koreyəvıjə hovəm” nomədə şeri bino kardəşe. 1964-1968-nə soronədə Lankoni rəyoni “Leninçi” (“Lənkəran”) qəzetədə ədəbiyə koəkə, 1970-1992-nə soronədə həmon qəzetədə sərredaktor ko kardəşe. 1968-1970-nə soronədə çı Azərboycon KP Lankon komitədə təlimatçi ko kardəşe. 1992-nə sorədə “Söz” ədəbi-bədii jurnal təsis kardəşe. 1994-1995-nə soronədə AƏİ Lankoni şobə sədr vəzifədə ko kardəşe. Publisistə məqalon, “Samovara od salmişam” (Bə siməvar otəş dənoəme) bədii-publisistikə kitobi muəllife. “Sən kimsən, Ata?” (Tı kiyiş, Pə?) 1982, “Birtərəfli hərəkət” (İ tərəfinə hərəkət) 1987, pyeson Lankoni Devlət teatrədə bə təmşo noə bıən. Ş. Aslan 1981-nə sorədə de Azərboycon Respublika Ali Soveti “Fəxri fərmon”i iyən “Şərəf nişanı” ordeninə təltif kardə bıə. 14 kitobi muəllife. 12 iyun 1995-nə sorədə bəfot kardəşe.

Bioqrafiyə məlumoton 2021-nə sori kitobiku sə bən.