POZİ NƏFƏS

Vo qındə, sentyabri sardınə vo... Vardə dıştə ğəribə buon, Dardinə vo... Çoko qındə ım baxtəvə? Tovostoni mutə kardə olkon lıştə qardinə vo... Vardə dıştə həzo-həzo Purə dılon xıs-xıvəti. Şəvi i vaxt bə osmoni bədyə kinə Xıyolonıj dərandəje, Ginıj kardə...dəpuşniəje Bə doə bəşon. Bekardəje çəy xıyolo Çəy pəvəndi ə siyo çaşon. Sentyabri sardınə vo- Cigər poş bə tovostoni oxon nəfəs, Tovostoni oxon vəsyət. Bı di dəqınye Dimı sardın bə, Ronı qardin bə, Conı dardin bə, Puçə bə donəj, Esə ço oməj?.. Duz bəkaj esə, tı kom nırəsəy? Tı bı kulə səy, Xəşəvuə şonəj, Esə ço oməj?.. Dırozin şəvon, Nime hıtemon. Bəçımı hanon, Boçi bə şioməj?! Esə ço oməj?.. Şəytoni vanqij, Xıdo bə canqij, Həromə manqij, Tı bevaxt daməj. Esə ço oməj?.. Kəfşənım sute, Vılboğım mute, Do-çuonım pute... Vaxtədə nıvoəyj, Esə ço oməj?.. Səm sipi kardə, Dılım vikardə, Sipiəm takardə... Az pur, tı niməj, Esə ço oməj?.. Siqləm dıqlə bə, Dıqləm seqlə bə, Peştım doxlə bə, Bo maqi vonəj, Esə ço oməj?.. Bıxim okuşiə, Kə-bəm dəpuşiə, Çaşım epuşiə, Bomı siyo somyəj Esə ço oməj?.. Eçəkə vılij, İlmə siə qılij, Ğəlpə ğızılij, Bə suki bo bəj, Esə ço oməj?.. Çaşon konədə, Laşkım çonədə, Eşğ ni conədə, bevaxt pandoməj... Esə ço oməj?.. Villə səm gin bə. Vırəm tangin bə. Həni sanqin bəm, Bə vay pu onəj, Esə ço oməj?..