KIVİN Ə DUSTON
Ve vıron qardəm, ve vıron nəvəm,
Az hejo boştə dustonro təvəm.
Of, bə osmoni kırınqon lovəm:
– Kıvin ə duston, kıvin ə duston?…
Mandə çı dardi kəşədə dılım,
Iştən-ıştəni koşedə dılım,
Az otəşədəm, vəşedə dılım,
Mıni okıştə ovin ə duston...
Kıvin ə duston, kıvin ə duston?…
Iştən-ıştəni kardəm pust həni
Sədo kardedəm, hiçki məstəni,
Ha çiç kardedəm, dastım rəstəni,
Az qılə rujim, şəvin ə duston...
Kıvin ə duston, kıvin ə duston…
Источники
Антология талышской поэзии (2021), 307. ISBN 978-9952-28-569-7.