SƏRXOŞ-SƏRXOŞ
Iştı şe ku ğəmədəm,
Hejo botı nəvedəm,
Dardiku peşomedəm,
Bəmedəm sərxoş-sərxoş.
Çuknə ruji bə obedə,
Dardon çımıku rəmedə,
Hejo çuknə şəv omedə,
Təvedəm sərxoş-sərxoş.
Çı dardi ku şo bedənim,
Şəroviku co bedənim,
Bə dustonən bo bedənim,
Nəvedəm sərxoş-sərxoş.
Eşği roon ve ğəliz,
Çune şedəj kə xəliz?
Eqıniyəm bəştı riz,
Omedəm sərxoş-sərxoş.
Источники
Антология талышской поэзии (2021), 374. ISBN 978-9952-28-569-7.