ƏMƏ TOLIŞONİMON

Votdəş Lankon vəyşte, Çe duəvoji qəv lışte, Vəyşt çəvrəy i mışte, Çe kandulə şonimon, Əmə tolışonimon! Tı dərəsoş əqər vey, Hırkon çiçe, bəzneş əy, Tolışiədəy nomış çəy, De çə devri sonimon, Əmə tolışonimon! Qəqır bıəmon, lok nimon, Ğəssəm məhə, pok nimon, Bəyəndı vey çok nimon, Bə ğəribon lonimon, Əmə tolışonimon! Şeri bəş be Zulfiğar, Xəlği kəş be Zulfiğar, Çəmə çəş be Zulfiğar, Çəşmə ku bıə honimon, Əmə tolışonimon! Zıvon şine ğəndisən, Yarəş yole bandisən, In dard qone bandisən, Bezıvonə conimon, Əmə tolışonimon! Hitler xuqon vazi be, Dınyo dəmə rozi be, Çəmə navdə Həzi be, Jəqo merdi zoonimon, Əmə tolışonimon!