HƏNİ NƏVUZE

Kavuş tankardə vişə, Ov şedə bənə şişə. Kuli bındə vənəşə. Çimənədə nərqize, Pəh-pəh, həni Nəvuze. Zizə kardedə doon, Omən-beşən pərəndon, Diərodə çiyə bandon Jobzın bəməno neze, Pəh-pəh, həni Nəvuze. Okardə ıştə kəşi Avədə beşə Həşi. Osmonədə peş voşi Haft ranqədə riz-rize, Pəh-pəh, həni Nəvuze. Jen-kinon de zumzumə, Obod kardən kə, kumə. Kaştənon beşən həmə Tıkonışon biz-bize, Pəh-pəh, həni Nəvuze. Tojə sore, ha bobo, Bıkə bə Xıdo bovə, Çanəmonən dard bıbo, Şoyvo bəmə əzize, Pəh-pəh, həni Nəvuze.