ŞAHAN VOTDƏ...

Şahan votdə, dəmandə, Eğvali hiş dəmandə. Çiç bıkəmon, zındənim, Fələk çımı səmandə. Şahan votdə, tı fəriş, Nəslı çoke, tı fəriş. Be merd sıpiriş nəbe, Ha vado dırozə riş. Şahan votdə, tı rəbi, Dənə bə yod, tı rəbi. Tolışon xəydə navko Əncəx tar-kəmon əbi. Şahan votdə, dınyoədə Çoki bıkə dınyoədə. Zəmini çəşə arse. Beşedə ha honiyədə. Şahan votdə, az şonim, Anqivinim, az şonim. Tolış dard-ğəm bıkəşo, Bəvdə, bıvə, az şo nim! Şahan votdə, az peşim, Barzə bandi sə peşim. Zikkəm jəy, votıme ki, Tolışime, tolışim!..