ÇƏMƏ SIĞƏ HONİYON
Əsron, soronku mandə
Çəmə tabona honi.
Çəy ovi ki peşomdə,
Dard vindəni çəy coni.
Ha rujış əsər bedə,
Dəvardedə çığın ki.
Kom ğəribən omedə,
Heyron bedən bə honi.
Tojə vəvu iminci,
Ovi çığın bardedə.
Ki peşomdə ım ovi,
Şin bedə, şərbət bedə.
Bəmə qıləy nəğıle,
Çəmə qıləy əsəre.
Har vırədə bə nome,
Jo bızın lap Zəmzəme.
Источники
Антология талышской поэзии (2021), 346. ISBN 978-9952-28-569-7.