DETI İVRƏDƏ NIBEƏDƏ

İ mışt siyo zəmin bedəm, Detı ivrədə nıbeədə. Bə şəv-bə ruj ğəmin bedəm, Detı ivrədə nıbeədə. Otəşi kəno larzedəm, Iştən bəştə pelarzedəm, Bədə ovi eparzedəm, Detı ivrədə nıbeədə. Qıləy pəleşkə vıl bedəm, Vılə doy hışkə xol bedəm. Taqətım ni, behol bedəm, Detı ivrədə nıbeədə. Bınəvəmon bandon, vişon, Çıne əzınim vənəşon, Okardə bedəni kəşon, Detı ivrədə nıbeədə. Şamirzəm az, əğıl bəbem, Kitobondə nəğıl bəbem, Bo har kəsi pəxıl bəbem Detı ivrədə nıbeədə.