MERD BIBƏNƏN DEŞTƏ NOMİ

Bıməs , tolış, bıməs ımi, Sındındəyon dıli simi. Okardedəm ın tilsimi, Merd bıbənən deştə nomi. Zamboxbəsə bəmon əmə, “Donzə besə” bəmon səmə, Səonsəmon heste ğəmə, Ov qıledə deştə vomi, Merd bıbənən deştə nomi. Nəşəşon doy bə əğılon, Puçə sə bin hırdon- yolon, Bə dom dəşin bənə solon, Bovə məkən bənəy xomi, Merd bıbənən deştə nomi. Darzənəjən, ərəğ bıjən, Nəşəxoron ıştə beşən. Bə islomi ləkə məjən, Məbən vonə bo əvomi, Merd bıbənən deştə nomi. Xuqərışon kardə dəmon, Nətımon kardə zəmon. Doydənin bə yoli əmon, Ciqərışon bənəy şomi, Merd bıbənən deştə nomi. Nə tırkimon, bənə tırkon, Nə farsimon bənə farson, Səmon qətə bənə tarson, Kəzımon noə bənəy çımi, Merd bıbənən deştə nomi. Mı Səftərim, sinəm pure, Çımı sıxan zəre, durre. Tolış çəmə çəşi nure, Azərboycon- çəmə Vətən, Çəmə merıs, çəmə kəfən, Əmənimon çıvrəy xıvand, Səy sığımon Tolışəband! Tolış bıznən ıştə qovmi, Merd bıbən de tolşə nomi!