LOLOON
Bətı inə şıt dome,
Bətı şinə şıt dome.
Bıhıt balə , anə ki,
Iştı pə çı ko ome.
Qədə baləm, ha lolo,
Dədə baləm, ha lolo.
Lolo votdəm, məbəm tı,
Məşi bə zil, bə bəm tı.
Bəhə-bıhıt, yol bıbi,
Nıznoş hiç dard, hiç ğəm tı.
Lolo, kijəm, ha lolo,
Vibə mijəm, ha lolo.
Çəmə boği vıliş tı,
Çə boği bılbıliş tı.
Balə ğəndisən şine,
Çımı coniş, dıliş tı,
Şinə baləm, ha lolo.
Kinə baləm, ha lolo...
Источники
Антология талышской поэзии (2021), 129. ISBN 978-9952-28-569-7.