ZINEDƏM

Şımə kəyku şoy-voy, çəməku yase, Maşki bətı nışon bome zınedəm, Tı şinəçay pebəşomeş az zəhər, Im dard bəmı ve qon bome zınedəm. Iştə umrum ğıbon doy bə eşği bod, Oxoədə betı mandim əmon, dod, Zolım, tıni kəynə biyəm bəştə yod, Xotiron bə zıvon bome zınedəm. Vəyə aşğon ğısmət nıbin çəmə so, Purğıbo bim, qırd eqnim çı həvəso, Çımı betı çiçon kəşe bıməso, Kofirən bə imon bome zınedəm. Tı beşiş şej mandim bətı tamarzı, Çımı, piyə dıldə mande ve orzu, De Toloşə bandon bınən bə tavzı, Çımı dardon qıvon bomen zınedəm. Rizvan oxo dard əbıni bı yoli, Vindəkəson votedən de bəboli, Kon beinsof tınıj noə bı holi, Əv ıştənən bə con bome zınedəm.