BƏVİ YAMƏ AŞIĞİM AZ

Çımı dıldə i kəs hese, Bəvi yamə aşığim az. Əçi varlığ bəmi vəse, Bəvi yamə aşığim az. Bəmı jığo nozon kardə, Çımı ağli səyku bardə, Be bəy dınyo bə sə qardə, Bəvi yamə aşığim az. Har sıxanış şine, ğənde Mıni peşən illə zənde, In dıl oxo bəvi bənde, Bəvi yamə aşığim az. Be bəy şəvim ruj bedəni, Çəşi hanən bardedəni, Zəmin, osmon qardedəni, Bəvi yamə aşığim az. Jığo məzın dardon sə be, Be bəy dınyo iqlə ğəbe, Çımi oxoy çuko bəbe, Bəvi yamə aşığim az.