LANKONİ

Ambur bandon sədə lejinə pəlu, Donədə ras kardə sef, ambu, əyu, Bənə cıvonə kinə, reçinə vəyu, Əcəb dərostəşe Xıdo Lakoni. Ha cono əzize xatırış, xotoş, Merde, ğeyrətine əğılış, yoloş. Dınyodə behişti nuşo doy qoroş Zəmində soxtəşe Xıdo Lankoni. Ə tərəf Xanbulan, ım səmt Haftoni, Ha vıjə zəmində cuşedə honi, Peşomdəş- çok kardə noxəşə coni. Dardon dəvo doəşe Xıdo Lankoni. Çı Liki, Ostoro bandon səbəsə, Masali kuçondə çinor bə resə. Xəzəri sahildə- vinde pidəsə, Vılış perosnəşe Xıdo Lankoni.