ÇO KARDEDƏ

Odəm hesde dılıj siyo, Ve dıvedə piyo-piyo- Nı ovaşdə əv çı ruyo, Poçon bə pe pekardedə, Oxo jıqo ço kardedə? Bəştı dimi bəsıre əv, Xəlvət botı bəkande ğəv, Hiç vaxt məşi,tı dəy mənəv, Tıku əv xəbə bardedə Oxo jıqo ço kardedə? Vinde-vinde omedəmon, Bə puçi beşə ı odəmon, Zəmonəku məkə əmon, Jimon yava dəvardedə, Oxo jıqo ço kardedə? Nomerd pure qırdokəno, Ha qardedən ıştı tono, Xun beşedə çımı cono, Dınyo merdon ebardedə, Oxo jıqo ço kardedə? Çətində vindəj dustu, Dıli bıdə tı bə rosti, Astəku co məkə pusti, Zolım bəştı sə qardedə, Oxo jıqo ço kardedə? Nicat,bızın ıme jimon, Siyo bıbu siyodimon, Bə ğəvədə həmə imon, Şair çərbə,əv mardedə, Oxo jıqo ço kardedə ?