QƏDƏ MEHRİNƏ KİNƏ
Qıləy reçinə zizəy,
Qədə Mehrinə kinə.
Heyran kardedə həməy,
Qədə Mehrinə kinə.
Diməkukonış sefe,
To- bərobərış kıve?
Anqıə çaş, kəmon bəve,
Qədə Mehrinə kinə.
Iştə kəşon rost bəka,
Boştə pı-mo rask bəka.
Har çiç bəka, rost bəka,
Qədə Mehrinə kinə.
Lınqi əv osto noydə,
Hələxo tojə poydə.
Hejo sıvolon doydə,
Qədə Mehrinə kinə.
Источники
Антология талышской поэзии (2021), 220. ISBN 978-9952-28-569-7.