TOLIŞƏ ZIVON

Çoknə şiniş, çoknə tı çok, Çımı şinə tolışə zıvon. Har sıxanı vılisə pok, Çımı şinə tolışə zıvon. Bə har kəlmə con ğıbone, Bo har kəsi ve şin cone, Məbi mıku co, əmone, Çımı şinə tolışə zıvon. Sıxanono durr emedə, “Con” məsyədə dılım şedə. Botım bəpye con, con bıdə, Çımı şinə tolışə zıvon. Moəm zıvon bə tolışi, Bomı lo-loj jə tolışi. Çımı ruşnəş, çımı həşi, Çımı şinə tolışə zıvon. Nərimanən şo əbıni, Betı boəy ro əbıni. Hiç vaxt tıku co əbıni, Çımı şinə tolışə zıvon.